Genius Motion
لوحة بتشتغل جوه بريمير وأفتر — بتعمل الشغل المتكرر وانت على التايم لاين
- قص الصمت والإعادات من غير ما تتفرج على المادة كلها
- كابشن عربي بتوقيت الكلمة، بيتشتغل على جهازك
- تنضيف الصوت ومزامنة الملتيكام من غير ما تسيب بريمير
- مكتبة أصول جوه اللوحة — تسحب وتحط
- قوالب كتابة متحركة جاهزة لأفتر
اللوحة بتقعد جنب التايم لاين
مش برنامج تاني تفتحه وتصدّر منه وترجّع. Genius Motion إضافة بتفتح من Window ‹ Extensions جوه بريمير برو أو أفتر إفكتس، وبتشتغل على المشروع المفتوح قدامك.
اللي بتعمله
قص الصمت
بتحلل صوت التتابع وتدوّر على الفراغات، وتوريك الأماكن قبل ما تلمس حاجة.
توافق، تتقص — بـripple أو من غير. كل قصة بتتحط في undo group واحدة، يعني
Ctrl+Z واحدة بترجّع العملية كلها مش قصة قصة.
حذف الإعادات
بيقرا النص المكتوب ويلاقي الجمل اللي اتقالت أكتر من مرة، ويسيبلك تختار أنهي تيك يفضل.
الترجمة والكابشن
المحرك بيشتغل على جهازك — مفيش رفع للصوت ومفيش مفتاح API. التوقيت على مستوى الكلمة مش الجملة، والكابشن بينزل على التايم لاين كـcaption track، أو كجرافيك بشكل انت بتظبطه.
- كابشن تلقائي بضغطة واحدة: بيحوّل الكلام لنص، ينسّقه بآخر شكل اخترته، ويحطه على التايم لاين.
- موديل دقة عالية بيفهم اللهجة المصرية والكلام السريع، وبينزل مرة واحدة.
- تسريع بكارت الشاشة (NVIDIA): أسرع كذا مرة والجهاز يفضل خفيف.
- تصحيح النص: صلّح أي كلمة واضغط تحديث — الكابشن في بريمير بيتبدّل والتوقيتات بتفضل زي ما هي.
- الشكل: خطوط المكتبة أو خطوط جهازك، المكان بالسحب على المعاينة، وخلفية ورا الكلام بلونها وشفافيتها. بتظبطه مرة وبيتحفظ.
- مؤثرات صوتية مع الكابشن من المكتبة.
تنضيف الصوت
تقليل ضوضاء وتوحيد الصوت على جهازك — من غير رفع ولا مفتاح API. تلات درجات (خفيف، متوسط، قوي) ومعاينة 10 ثواني قبل وبعد. الصوت النضيف بينزل على مسار جديد، والمقطع الأصلي بس بيتقفل — مش بيتمسح، وباقي المسار بيفضل شغال.
المناطق الآمنة للسوشيال
أدلة على التتابع بتوريك كل منصة بتغطي فين من الكادر: TikTok وReels وShorts وFacebook Reels. بتتظبط على مقاس التتابع، وبتتشال تلقائي قبل التصدير.
مزامنة الملتيكام
بتظبط المقاطع اللي على مسارات مختلفة بمطابقة صوتها، وتوريك الفرق ونسبة الثقة لكل مقطع. المقطع اللي ثقته قليلة بيتساب زي ما هو.
نسخ ولصق الحركة
انسخ Motion وOpacity وCrop من مقطع وحطهم على مقاطع كتير مرة واحدة — الموضع، الحجم، الدوران، نقطة الارتكاز، الشفافية ووضع الدمج — ومعاهم الكيي فريمز لو عايز.
فصول يوتيوب
بيطلّع الفصول من النص أو من الماركرز اللي انت حاططها، وبيرجّعها جاهزة للّصق في وصف الفيديو.
ترتيب المشروع
بيشوف كل حاجة في الـProject panel ويرتبها في مجلدات بقواعد انت بتحددها. بيوريك خطة الترتيب الأول — مفيش حاجة بتتحرك قبل ما توافق.
قوالب الكيي فريم
حركات جاهزة بتتكتب على الكليبات المختارة: زووم، بان، شيك، وغيرها، بمسافة وسرعة انت بتظبطهم، مع منحنى بتشوفه قبل ما تطبّق.
إعدادات التصدير
بتبعت التتابع لـMedia Encoder بمواصفات المنصة اللي مستهدفها: YouTube، Shorts، Reels، TikTok، وFacebook Reels. فيها قالب لاسم الملف، وبتنبّهك لو مقاس التتابع أو عدد الفريمات مش مطابق للمنصة.
المكتبة
جوه اللوحة نفسها: خطوط، مؤثرات صوتية، موسيقى، ترانزيشن، أوفرلايز، LUTs، خلفيات، B-roll، صور، قوالب mogrt، وبريستات. كل عنصر بيتعرض بشكله الحقيقي قبل ما تضيفه — الخط مرسوم بخطه هو، الصوت بالموجة بتاعته، الكليب بيشتغل.
والمكتبة مش بتتنزل كلها. بتيجي عند الاستخدام، يعني التثبيت خفيف.
قوالب الكتابة في أفتر
٤٤ قالب كتابة متحركة، بتتركب في أفتر إفكتس وبتظهر في Essential Graphics جاهزة تتظبط.